Kao i u svijetu mode, tako i u svijetu enterijera – neke trendove bi ipak trebalo da zaobiđemo.
Bijeli dizajn
Možda izgleda lijepo na prvi pogled, ali dizajneri nisu za ovo rješenje. Nekada popularan bijeli namještaj daje utisak čistog i sofisticiranog stila, ali sada ga zamjenjuju topliji, neutralni tonovi.
“Umjesto bele, ljude sada više privlače meke, toplije, neutralne palete boja i udobniji komadi. Ta hladna, bijela estetika može na neki način da izgleda sterilno, dok mekši, neutralni tonovi izgledaju privlačnije za naše unutrašnje prostore”, ističe dizajner enterijera, Nina Takeš za Insajder.
Otvoren koncept
Veliki prostori koji objedinjuju nekoliko prostorija bez zidova bili su izuzetno popularni. Međutim, dizajneri kažu da bi ipak bilo dobro da se ne vraćamo ovom stilu. Smatraju da ovom planu kuće nedostaje funkcionalnost i da je upotreba prostora na ovakav način neproduktivna.
Minimalizam
Minimalizam je nekoliko godina bio na cijeni, ali ipak se sada ističe da bi enterijeru trebalo unijeti više individualizma.
“Minimalizam koji je nekada bio moderan, blijedi. Umjesto toga, pokušajte da kombinujete različite trendove dizajna kako biste stvorili jedinstveniji i zanimljiviji stil za svoj dom”, rekao je dizajner enterijera Donifan Mur, prenosi The Sun.
