Odličan izbor za večeru: Napravite sportsku salatu

Sastojci:

– mix salata 150 gr. koja sadrži: ajsberg, radič, zelenu salatu i šargarepu

– 30 gr lješnika

– 20 gr buđavog sira

– 20 gr krem sira

– 20 gr maslina

– malo šampinjona

– 30 gr slanine pančete

– origano, so, biber, parmezan

Priprema: 

Za početak isjeckajte slaninu na kocke, a šampinjone na tanke listove. Zagrijte tiganj sa maslinovim uljem i ubacite prvo slaninu, zatim šampinjone. Začinite: so, biber i origano.

Propržite kratko na jakoj vatri, taman da potamni i ostavite da se ohladi dok spremate salatu.

Za to vrijeme pripremamo sve za salatu-prvo se sprema dresing u činiji u kojoj ćete servirati salatu. Dodajte jednu kašičici senfa, dvije kašičice light majoneza, limunovog soka od pola limuna i jedan čep maslinovog ulja.

Umiješajte sve viljuškom i spremno je za salatu. Kada ste umiješali, na tanke kolutiće isjeckajte masline, a lješnik izdrobite u avanu.

U činiju ubacite salatu i pomiješajte je sa dresingom. Odozgo stavite prvo lješnik, masline, potom buđavi sir, krem sir takođe kašikom rasporedite po salati. Odozgo stavite slaninu i šampinjone.

Završni čin neka vam bude parmezan koji ide kao šlag na tortu.