Moda Savjeti

Kako da očuvate omiljene komade od čipke

Imate staru čipku koju biste najradije oprali, ali se bojite da je ne biste uništili? Imamo par savjeta.

Staru čipku osvježite ovako:

Rastopite malo vazelina tako da dobijete ulje i u rastvor namočite čipku. To će ulje upiti mrlje i omekšati čipku. Zatim, oprezno prokuvajte čipku u vodi u kojoj ste rastopili neki neutralni sapun, pa je isperite vodom. Na kraju ostavite čipku nekoliko minuta u vodi u kojoj se kuvao pirinač, izvadite je i raširite da se osuši. Vaša čipka će biti čista i sačuvana.

Bijelu čipku možete osvježiti ako je ostavite pet sati u hladnoj vodi u koju ste prethodno stavili mnogo soli.

Čipku možete da perete ručno ili u veš mašini, u zavisnosti od toga da li je napravljena od pamuka ili sintetičkih materijala. Prije pranja zakopčajte sve dugmiće i zatvorite patentne zatvarače kako se u pranju čipka ne bi pocijepala.

Čipkaste komade nikad ne smijete da sušite u mašini za sušenje veša, već ih položite na ravnu površinu. Ako je peglanje neizbježno, preko čipke postavite tanku gazu i lagano ispeglajte.

Tags
Send this to a friend