Luj Viton torbica u obliku aviona nedavno je postala viralna jer košta više od polovnog aviona sa jednim motorom.
Torbica iz ovogodišnje muške kolekcije koju je dizajnirao umjetnički direktor luksuznog brenda Virdžil Abloh podijelila je mišljenja na društvenim mrežama, kao i mnoge druge njegove dosadašnje kreacije.
Torbica u obliku aviona predstavljena je u januaru, no tek je nedavno mnogima zapela za oko na internetu – i to zbog vrtoglave cijene od 39 hiljada dolara. Iako fotografije kruže internetom već nekoliko mjeseci, tek su nedavno privukle veću pažnju, kad je jedna korisnica Tvitera sugerisala da se za isti novac može kupiti stvarni polovni avion.
“Avione zapravo možete kupiti i za manje novca”, dodala je, a neki su zatim objavili i oglase za avione koji to dokazuju.
