Fudbal Premijer liga

Arsenalov ples po snijegu u Birmingemu

Arsenal je slavio protiv VBA u gostima 4:0 u 17. kolu Premijer lige.

Tim Mikela Artete će po dobru pamtiti meč po pravoj sniježnoj mećavi u Birmingemu.

Odigrali su možda i najbolje ove sezone, od starta kontrolisali dešavanja na terenu, stvarali šanse na kraju i ubjedljivo slavili.

Tirni je dao prvi gol nakon lijepe akcije i sjajnog šuta na dodavanje Holdinga u 23. minutu.

Drugi gol stigao je nakon još ljepše kombinacije gostiju, a pogodio je Saka.

U drugom poluvremenu raspucao se Lakazet koji je dao dva gola u tri minuta i ovjerio je ubjedljiv trijumf svog tima.

Arsenal je nakon druge vezane pobjede konačno stigao do sredine tabele, sada je 11. sa 23 boda.

VBA je pretposljednji sa osam bodova, šest od zone opstanka.

Send this to a friend