Golman Intera Samir Handanović priznao je da je ekipu zabolio poraz od Barselone na Đuzepe Meaci, kojim su “neroazuri” izgubili šansu da ostanu u Ligi šampiona.
Inter je izgubio sa 2:1 i to od kombinovanog katalonskog tima koji nije bio previše motivisan.
“Nismo uspjeli da postignemo gol u drugom poluvremenu, iako smo imali šanse. Znali smo da je Barselona opasna u kontrama, malo smo se razvukli po terenu i kako je vrijeme prolazilo bilo je sve teže”, rekao je Handanović i nastavio:
“Dali smo sve od sebe, sada moramo da nastavimo dalje. Ovaj poraz boli, ali naša sezona se ne završava ovdje. Imamo dvije utakmice Serije A prije božićne pauze, pa poslije toga možemo da napunimo baterije”.
Inter je završio kao trećeplasirani u grupi F, iza Barse i Dortmunda, pa mu početkom iduće godine predstoji nadmetanje u nokaut fazi Lige Evrope.
