Ništa u Barseloni nije idealno, a iz dana u dan je situacija sve teža za navijače.
Rezultati su takvi kakvi jesu, a sve je izvjesnije da će Barsa u nove pohode krenuti s novim trenerom.
Jer, više ni predsjednik kluba Đoan Laporta ne krije da situacija sa Ronaldom Kumanom nije dobra.
“Da li je Kuman u opasnosti ako ne pobijedi Kadis? U Barsi nije bitan samo rezultat, već i igra, način na koji se pobjeđuje. Kuman to zna i vjerujem da je profesionalac i da će se tako i dalje ponašati”, rekao je Laporta, a onda poentirao:
“Ima li moje strpljenje granicu? Naravno da ima”, poručio je Laporta.
Barsa večeras od 22 sata gostuje Kadisu, za koji igra crnogorski reprezentativac Milutin Osmajić.