Ronaldo promašio penal u lakoj pobjedi Juventusa

Juventus je lako i ubjedljivo savladao Kjevo 3:0 u meču koji će se pamtiti i po promašenom jedanaestercu Kristijana Ronalda.

“Stara dama” je do prednosti došla u ranoj fazi utakmice. Već u 13. minutu strijelac je bio Daglas Kosta.

U finišu prvog dijela otklonjene su sve dileme. Dibala je asistirao, a Emre Džan udvostručio prednost Juventusa.

Kristijano Ronaldo imao je šansu iz penala u 53. minutu, ali je njegovu namjeru pročitao iskusni Sorentino i zaustavio udarac prve zvijezde “stare dame”.

Konačan rezultat je u završnici utakmice postavio Rugani.

Na tabeli Juventus i dalje ima devet bodova više od Napolija.