Džek Vilšir odlučio je da napusti Arsenal na kraju ovog mjeseca, kada mu i ističe ugovor sa londonskim klubom.
Njemu je novi trener “tobdžija” Unaj Emeri najavio malu minutažu ukoliko ostane na Emirejtsu, a to je 26-godišnjem vezisti bilo neprihvatljivo.
“Mogu da potvrdim da više neću igrati za Arsenal. Moj ugovor ističe posljednjeg dana u mjesecu i tada odlazim. Nakon velikog broja razgovora s klupskom upravom i novim menadžerom Unaijem Emerijem odlučio sam se za ovaj korak. Moja želja za ostankom nije bila sporna, čak sam pristao na novi ugovor sa smanjenjem plate. Osjetio sam posle tih razgovora da za mene nema mnogo izbora”, kazao je Vilšir i dodao:
“Želio bih da se zahvalim svima u klubu na svemu što su učinili za mene u posljednjih 17 godina, naročito Arsenu Vengeru i njegovom stručnom štabu. Svim mojim saigračima, svima u akademiji koji su mi pomogli da ispunim svoj san i zaigram za prvi tim Arsenala. Nikada to neću zaboraviti. Hvala još jednom. Želim da izrazim svoje poštovanje i za Unaija Emerija. Hvala mu na iskrenosti. Želim mu puno sreće i uspjeha u Arsenalu”.
Vilšir je za matični klub odigrao 150 utakmica i postigao 14 pogodaka.
L.Đ.
