Serija pobjeda Golden Stejta je završena u Solt Lejk Sitiju.
Voriorsi su glatko izgubili od Jute (111:85) i to im je prvi poraz nakon devet trijumfa.
“Džezere” je predvodio Bojan Bogdanović sa 23 poena, a još petorica igrača su imala dvocifren učinak. Tako su Donovanu Mičelu nedostajale dvije asistencije (14 poena i 10 skokova) da dođe do tripl-dabla.
Kod oslabljenih Voriorsa je najefikasniji bio Džordan Pul sa 18, Stef Kari je upisao 16.
A LA Lejkers su izgubili i od Portlanda.
U Oregonu je bilo 107:105, pa su Blejzersi slavili poslije šest vezanih poraza.
Anferni Simons je sa 29 koševa bio junak domaće ekipe, na drugoj strani se istakao Lebron Džejms sa 30.
Lejkersi imaju 26 pobjeda i 30 poraza, deveta su ekipa na Zapadu u ovom momentu.
Nikola Vučević je bio jedan od zapaženijih u trijumfu Čikaga nad Šarlotom, o tome čitajte ovdje.
Rezultati
Klivlend – San Antonio 105:92
Šarlot – Čikago 109:121
Oklahoma – Toronto 98:117
Portland – LA Lejkersi 107:105
Sakramento – Minesota 132:119
Juta – Golden Stejt 111:85
