Vozač Petronas Jamahe Fabio Kvartararo startovaće sa pol pozicije na desetoj trci sezone Moto GP šampionata, Velikoj nagradi Aragona.
Vodeći u generalnom poretku je tokom posljednjeg slobodnog treninga imao težak pad, ali ga to nije sprečilo da zablista u zvaničnim kvalifikacijama.
Mladi Francuz je za 46 hiljaditinki nadmašio vrijeme Maverika Vinjalesa na fabričkoj Jamahi.
Kvartararu i Vinjalesu će se u prvom startnom redu, u nedjelju od 15 časova, pridružiti Kal Kračlou iz LCR Honde.
Drugi vozač Petronas Jamahe Franko Morbideli je morao da se zadovolji četvrtim mestom, ispred Džeka Milera na Pramak Dukatiju i vozača Suzukija Đoana Mira.
Sedmi je bio Takaki Nakagami na drugoj LCR Hondi, a slijedili su vozač Dukatija Danilo Petruči, Aleš Espargaro na Apriliji i drugi vozač Suzukija Aleks Rins.
Podsjetimo, ovaj trkački vikend protiče bez Valentina Rosija koji je pozitivan na koronavirus.