Đurđina Jauković kaže da Budućnost ne odustaje od plasmana na završni turnir Lige šampiona.
Jauković je izbombardovala Brest i donijela je pobjedu u meču kojim je plavo-bijeli tim izborio četvrtfinale.
“Idemo korak, po korak. Poslije Bresta, sve misli smo usmjerili ka duelu koji nas očekuje u Kopenhagenu. Nastojaćemo da budemo prve ili druge u grupi, da dobijemo uslovno rečeno lakšeg rivala u doigravanju, jer ove sezone u Ligi šampiona nema lakih rivala. Nećemo odustati od borbe za plasman na finalni turnir sve dok nas neko ne ubijedi da nam tamo nije mjesto, a to neće biti lako. Budite sigurni u to“. kazala je Jaukovićeva za Sportklub.
Plavo-bijele su trenutno treće u grupi, ali imaju samo bod manje od Meca i Rostova.
U borbi za vrh tabele pobjeda u Kopenhagenu je imperativ.
