Tenis Još nije gotov

Čilić vjeruje u Federera

Hrvatski teniser Marin Čilić vjeruje da Rodžer Federer i dalje može da pravi odlične rezultate.

Švajcarac 8. avgusta puni 39 godina i sve je bliži završetku karijere.

“Federer će sigurno na savršen način iskoristiti pauzu kao što je uvijek radio. Lično sam vidio kako Nadal i on izgledaju na terenu poslije pauze. Sjetimo se samo koliko se puta Nadal povrjeđivao i kada god se svrati rijetko gubi od onih od kojih ne bi trebalo da gubi“, smatra Čilić i dodaje:

“Federer pogotovo, tokom karijere je često pravio pauze od dva ili više mjeseci, i uvijek bi se vratio u još boljoj formi. Ne mislim da je gotov, možda će njegova želja za velikim titulama biti još veća poslije pauze“.

Sezona je u prekidu do 13. jula, nakon čega će se razmotriti dalji koraci zavisno od situacije sa virusom korona.

Send this to a friend