Danil Medvedev će sjajno ljeto krunisati nastupom u finalu US opena, a nakon pobjede nad Grigorom Dimitrovim ističe da je imao sreće u prvom setu.
Rus je uvodnu dionicu dobio u taj brejku i kasnije sa 3:0 došao do uspjeha karijere.
“Grigor je bio bolji u prvom setu. Imao sam sreću da dobijem taj dio igre. Samopouzdanje u takvim trenucima znači mnogo. Nakon toga se momentum promijenio i bio sam bolji u sljedeća dva seta. Dobio sam nešto snažno što me pokreće da dobijem lude setove. To nisam imao prije dva mjeseca”, istakao je Medvedev.
Za titulu će igrati protiv Rafaela Nadala, koji ga je nedavno pobijedio u finalu Rodžers kupa.
“Imao je više energije od mene u toj utakmici. Sada su okolnosti drugačije, igra se na tri dobijena seta. Samim tim biće mnogo teže. Međutim, dobijao sam mečeve koji su išli i u četiri ili pet setova”, poručio je Medvedev.
Medvedev i Nadal igraće od 22 sata, u nedjelju veče.
