Ministar britanske vlade Daglas Ros podnio je ostavku zbog najbližeg savjetnika premijera Borisa Džonsona koji je prekršio mjeru samoizolacije u vrijeme karantina.
“Nisam javno komentarisao Kamingsov potez jer sam čekao više detalja. Kada sam saznao o čemu se radi, odlučio sam da podnesem ostavku”, napisao je Ros u objavi na Tviteru.
Ros je tako postao prvi ministar Džonsonove vlade koji je otišao zbog afere.
Radio je kao ministar vlade u Škotskoj.
Podsjetimo, Dominik Kamings, najbliži savjetnik britanskog premijera Borisa Džonsona, danas je kazao da nije ponudio ostavku zbog bure koju je izazvao odlukom da za vrijeme karantina zbog kovida 19 ode 400 kilometara iz Londona do vikendice u sjevernoj Engleskoj.
