Kacutoši Jucukava, pilot u „Japan erlajnsu“, uhapšen je na aerodromu Hitrou nakon što je aparat za alko-test pokazao pozitivan rezultat.
Utvrđeno je da je imao 189 miligrama alkohola na 100 mililitara krvi, a dopuštena gornja granica iznosi 20 miligrama.
Japanski medij NHK prenosi da je policiju na pilota uputio vozač autobusa za razvoz posade na aerodromu, nakon što mu je u dahu osjetio alkohol.
Trebalo je da leti kao prvi oficir na letu za Tokio, ali je 50 minuta prije polijetanja pao na alko-testu.
Polazak „boinga 777″, u kojem je trebalo da bude, odložen je za 69 minuta.
U Engleskoj, Velsu i Sjevernoj Irskoj gornja granica za vozače automobila je 80 miligrama, dok je za pilote četiri puta manja.
