Katar je uoči posjete Al Thanija izrazio podršku Turskoj u vezi sa svim mjerama koje preduzima ili će preduzeti s ciljem jačanja nacionalne valute.
Predsjednik Turske Redžep Tajip Erdogan primio je u Ankari katarskog emira Tamima bin Hamada Al Thanija, koji boravi u posjeti zvaničnoj Ankari.
Ambasada Države Katar u Ankari je uoči posjete Al Thanija izrazila podršku Turskoj u vezi sa svim mjerama koje preduzima ili će preduzeti s ciljem jačanja nacionalne valute, prenosi Anadolija.
“Katar je kao i 2016. godine kada je Turska bila na meti pokušaja državnog udara, ostao i ostaje uz svoju tursku braću. Uvijek ćemo biti prvi koji će priteći u pomoć turskom narodu”, poručeno je u saopštenju katarske ambasade.
Erdogan i Al Thani su se sastali u Predsjedničkoj palati u Ankari.
Kako Reuters napominje, ova posjeta dolazi u vrijeme kada Turska valuta gubi na vrijednosti usljed pogoršanja odnosa te zemlje sa SAD-om.
Dobri odnosi
Turska i Katar tradicionalno njeguju dobre bilateralne odnose, a Ankara podržava Dohu u sukobu koji ima sa Saudijskom Arabijom i drugim arapskim zemljama, prenosi Tanjug.
Britanska agencija je ranije izvijestila da je Turska udvostručila tarife na pojedine američke proizvode, poput putničkih automobila, alkohola i cigareta, kao odgovor na američke napade na tursku ekonomiju.
Uredbu o povećanju tarifa potpisao je turski predsjednik, a one podrazumijevaju da će se tarife duplirati tako da će za putnička vozila biti 120 posto, za alkoholna pića 140 posto i listove duvana na 60 posto, a uvećanje se odnosi i na druge proizvode, poput kozmetičkih proizvoda, riže i uglja, prenosi Reuters.
Kako je navedeno, pogoršanje odnosa sa SAD uzrokovalo je rekordan pad turske lire, koja je izgubila više od 40 odsto svoje vrijednosti u odnosu na dolar ove godine.
Taj potez uslijedio je usred tenzija između dvije članice NATO saveza, a zbog sveštenika Andrewua Burnsona koji je uhapšen u Ankari zbog navodnih veza sa terorističkim grupama, ali i drugih diplomatskih problema.
Prošlog petka, američki predsjednik Donald Tramp izjavio je da je odobrio više tarife na uvoz aluminija i čelika iz Turske.
Niste gospodo naveli da će Katar odmah kao pomoć ekonomiji Turske, uložiti u razvojne projekte 25 milijardi… Ovo je primjer kako treba se pomoći svojem a ne kao Saudijci i ostale neke islamske zemlje… dočekuju Trampa ko gospodara, ne znam bi li tako poslanika muhameda da se vrati kojim slučajem bili ga tako dočekali….. Sve je više onih i među… Više »