Region

Kurti: Nova vlada Kosova je nezakonita

Kurti

Odlazeći premijer Kosova Aljbin Kurti (Albin) izjavio je da je nova vlada Kosova na čelu sa Avdulahom Hotijem (Avudllah) nezakonita i beskorisna.

<<<Na čelu Avdulah Hoti: Izabrana nova vlada Kosova<<<

<<<Ko je novi kosovski premijer Avdulah Hoti<<<

Putem jedne video poruke, Kurti je poručio da u četvrtak neće prisustvovati primopredaji dužnosti novom premijeru Kosova.

“Ova vlada je nezakonita, ova vlada je beskorisna. Mi smo alternativna vlada”, kazao je Kurti, najavivši borbu i brz povratak.

On je takođe rekao da je Ustavni sud obezvrijedio sebe tako što je dekret predsjednika Kosova o određivanju novog mandatara proglasio ustavnim.

Skupština Kosova izabrala je u srijedu (3. juna) novu vladu na čelu sa Avdulahom Hotijem, što je druga po redu vlada od kako su u oktobru prošle godine održani parlamentarni izbori.

Vlada, koja je odmah po izboru položila zakletvu, je izabrana sa 61 glasom za, 24 protiv i jednim uzdržanim, što je upravo onoliko glasova koliko je bilo potrebno za izbor. Na sjednici je bilo 86 poslanika, a poslanici pokreta Samoopredjeljenje nisu bili prisutni.

“Jedan od prioriteta nove vlade Kosova biće preuzimanje ustavnih odgovornosti za dijalog sa Srbijom, u saradnji sa EU i SAD, ali “ne dopuštajući promjenu granice ili razmjenu teritorija”, izjavio je novoizabrani premijer Hoti.

1

avatar
1000
1
0
0
 
1
Sova
NAJNOVIJI NAJSTARIJI POPULARNI
Sova
Gost
Sova

Mali diktator. Čim je izgubio većinu u parlamentu, odmah kuka kako je nezakonito smijenjen. Sramota!

Send this to a friend