Računari

Stručnjaci savjetuju: Hitno izbrišite stare profile na MySpace-u  

Internet stručnjaci proteklih dana pozivaju korisnike nekadašnje popularne društvene mreža MySpace da hitno izbrišu stare profile koje ne koriste kako se ne bi suočili sa neugodnim povredama privatnosti.

MySpace je bio popularan prije deset godina, ali je njegova popularnost počela padati dolaskom novijih društvenih mreža poput Facebooka i Twittera.

Milioni ljudi više ne koriste MySpace, iako nijesu izbrisali njihove korisničke profile sa ove mreže. Mnogi se ne sjećaju ni korisničkih imena, a još manje lozinki, ili ne koriste e-mail adresu preko koje su napravili profile.

Nakon što je razmotrio sve ove faktore, MySpace je omogućio korisnicima obnovu korisničkih profila bez unošenja pojedinih davno zaboravljenih podataka. Međutim, ovaj proces je zastrašujuće lagan.

Istraživač sigurnosti Li-En Galovej otkriva da bilo ko može obnoviti stari profil na MySpace-u uz samo tri informacije.

“MySpace prepoznaje samo imena, korisnička imena i datume rođenja. Kompletno ime i prezime nekog korisnika moguće je pronaći na Google-u. Korisničko ime se nalazi u linku nekog profila te na stranici tog profila. Najteže je doći do datuma rođenja, ali i to nije nemoguće. Mnogi ljudi, stari korisnici MySpace-a, imaju prikazane datume rođenja na njihovim profilima na Facebook-u i Twitter-u”, smatra ona.

Na ovaj način, bilo ko može obnoviti nečiji stari račun što dovodi do povrede privatnosti i sigurnosti.

“Ukoliko imate profil na MySpace-u, preporučujem vam da ga odmah izbrišete”, naglasila je Galovej koja je prošle godine o ovom problemu obavijestila i MySpace, ali je dobila odgovor kako je oko 360 miliona profila na ovoj mreži ugroženo u sklopu masivnog hakerskog napada iz 2013. godine

Send this to a friend