Ivana Peters sigurno je jedna od najkvalitetnijih pjevačica na prostoru bivše Jugoslavije.
Dokazala je to kao solo igrač, u grupama Negativ i Tap 011.
Pitanje je gdje bi joj bio kraj da je birala drugačiji način karijere, sa nešto više angažovanosti u pogledu prezentacije i promocije onoga što stvori.
Ipak, treba poštovati i ovaj svedeniji i tih način – a njegov novi plod su pjesma i spot “Trag ljubavi”.
Ivana je vijest o premijeri lansirala na Instagramu, bez pompe.
“OK. Nemam poseban povod niti planiranu promociju, gala veče i medije, ali… Želim da podijelim ovu pjesmu sa vama. Dugo već postoji. Ja počela pjesmu, Boris Krstajić je dovršio. Tekst napisala ja. Dragan Ćalina odsvirao predivan klavir i Marko Nježić gitare… Spot – to su samo momenti u vremenu… Poklanjamo vam pjesmu”, napisala je Peters, a njeni pratioci su uvjereni da će se pjesma čuti daleko, jer Ivana to zaslužuje.
