Nakon što je vijest o vezi Petra Graša i Hane Huljić juče uzburkala region, hrvatskim medijima se obratio Hanin otac Tonči Huljić.
Izvori bliski Grašu potvrdili su da romansa između njih dvoje traje već neko vrijeme, a par je u nedjelju fotografisan u šetnji Zagrebom.
Petra i Hanu veže dugogodišnje prijateljstvo, a s obzirom na to da Grašo i njen otac sarađuju dugi niz godina, javnost je zanimalo šta Tonči misli o njihovoj vezi.
Tonči je kazao da mu je razumljiv interes medija po pitanju Hane i Petra, ali da se nikada nije javno referisao na privatni život i odnose kako svoje porodice tako i izvođača s kojim radi.
“Petar i Hana imaju slične stavove prema prezentaciji privatnog života u medijima, a Petar je uz to i veliki porodični prijatelj. Ako su oni srećni, a koliko vidim jesu, onda smo Vjekoslava i ja srećni. Nadam se da će Petar uskoro uzeti time out od ovakvog tempa nastupa, kako bismo priveli kraju snimanje pjesme koja ga čeka. Iskreno, nadao sam se da ćemo nakon 18 godina privesti kraju i novi CD, ali sada bih i realizacijom pjesme bio srećan. Inače, svi ljudi koji uđu u naše živote, u njima i ostaju, i na to ne utiče agregatno stanje njihovih odnosa”, rekao je Tonči.
