Gonzalu Iguainu prijala je selidba u MLS ligu.
Argentinac je ljetos napustio Juventus i potpisao ugovor sa Interom iz Majamija.
“Uvijek sam bio zainteresovan za ovu ligu jer sam pratio brata i druge velike igrače. Ovdje sam došao sa namjerom da ponovo budem srećan na terenu. Mislim da sam ovdje dobio sve ono što mi je bilo potrebno. Probudio mi se dječački osjećaj, koji sam prethodnih godina izgubio u Evropi”, rekao je Iguain.
U novom klubu igra sa rođenim bratom Federikom.
“Mnogo je stvari koje nisam znao o njemu jer smo dugo bili daleko jedan od drugog. Izgubili smo 15 godina i sada pokušavamo da vratimo to vrijeme”, istakao je popularni Pipita.
Iguain je na šest mečeva za Inter Majami dao jedan gol.
