Četvrti meč zaredom Juventus nije pobijedio u Seriji A, pa je sve dalje od lidera Intera koji je sinoć deklasirao Salernitanu 4:0.
“Stara dama” je remizirala u Veroni (2:2), pa uz meč više od Intera ima devet bodova manje na drugom mjestu.
Sada je i druga pozicija ugrožena, jer bi Juve mogao da preskoči Milan ako u nedjelju veče slavi u Monci.
Verona je povela evrogolom Folorunša u 11. minutu, a izjednačio je Vlahović iz penala u 28.
Novo vođstvo domaćinu je donio Noslin početkom drugog dijela, a konačan rezultat je postavio Rabio već u 55.
Bilo je dovoljno vremena za oba tima, bilo je i šansi, ali se rezultat nije promijenio.
